രാഷ്ട്രീയത്തിൽ പുതിയ ദിശകൾ നിർണ്ണയിക്കും

ജെ.എൻ.യു തിരഞ്ഞെടുപ്പ് ഫലത്തിൽ ഇടത് സംഘടനകൾക്കും എ.ബി.വി.പിക്കും ഇടയിൽ ശക്തമായ മത്സരം കാഴ്ച്ചവെച്ച ദളിത്-ബഹുജൻ വിദ്യാർത്‌ഥി സംഘടനയായ ബാപ്‌സയുടെ മുന്നേറ്റം പുതിയ പ്രതീക്ഷകൾ നൽകുന്നതാണെന്ന് എസ്.ഐ.ഒ സംസ്ഥാന ജനറൽ സെക്രട്ടറി ഷംസീർ ഇബ്രാഹിം അഭിപ്രായപ്പെട്ടു. സംഘപരിവാർ ഫാഷിസത്തിന് എതിരിൽ ഇടതുപക്ഷം മാത്രമാണ് ഒരു ബദൽ എന്ന പ്രചാരണങ്ങളുടെ മുനയൊടിക്കുന്നതാണ് ജെ.എൻ.യുവിൽ ബാപ്‌സക്ക് ഉണ്ടായ സ്വീകാര്യതയെന്ന് ഷംസീർ ഇബ്രാഹിം പറഞ്ഞു.

14379743_1107036842708058_8038476970563664990_oസംഘപരിവാർ ഹിംസയെയും അതിനെതിരിൽ ശക്തമായ ജനാധിപത്യ പ്രതിരോധങ്ങളുയർത്തുന്ന ദളിത്-മുസ്ലിം കൂട്ടായ്മകളെയും ഒരേ നാണയത്തിന്റെ ഇരുവശങ്ങളുമാണെന്ന് പ്രചരിപ്പിക്കുന്ന ഇടത് രാഷ്ട്രീയ നിലപാട് അപഹാസ്യവും വിവരക്കേടുമാണ്. ജെ.എൻ.യു തിരഞ്ഞെടുപ്പ് ഫലത്തിന്റെ അനുഭവങ്ങളുടെ വെളിച്ചത്തിൽ കേരളീയ വിദ്യാർത്‌ഥി രാഷ്ട്രീയ മണ്ഡലങ്ങളിൽ പുതിയ മുദ്രാവാക്യങ്ങൾക്കും പുതിയ കൂട്ടായ്മകൾക്കും വലിയ പ്രസക്തി ഉണ്ടെന്നും അദ്ദേഹം പറഞ്ഞു.എസ്.ഐ.ഒ തിരുവനന്തപുരം ജില്ലാ സമിതി സംഘടിപ്പിച്ച കേഡർ കാമ്പിൽ സംസാരിക്കുകയായിരുന്നു അദ്ദേഹം.

വർക്കലയിലെ വർണ്ണ ഹെർബൽ ഗാർഡനിൽ വെച്ച് നടന്ന ത്രിദിന കാമ്പിൽ എസ്.ഐ.ഒ സംസ്ഥാന സെക്രട്ടറിമാരായ എ.ആദിൽ, ഷിയാസ് പെരുമാതുറ, ജസീം പി.പി, വെൽഫെയർ പാർട്ടി സംസ്ഥാന സെക്രട്ടറി കെ.എ ഷഫീഖ്, എസ്.ഐ.ഒ മുൻ സംസ്ഥാന സെക്രട്ടറി അസ്‌ലം, യുവ എഴുത്തുകാരനും ഡോക്യുമെന്ററി സംവിധായകനുമായ അഷ്‌കർ കബീർ, എൻ.എൽ.പി ട്രെയ്നർ അഹ്‌മദ്‌ വസീം, ഡൽഹി യൂണിവേഴ്സിറ്റി റിസർച്ച് സ്കോളർ തൻവീർ തുടങ്ങിയവർ വിവിധ സെഷനുകളിൽ വിദ്യാർത്‌ഥികളുമായി സംവദിച്ചു.

Leave a Reply

Your email address will not be published. Required fields are marked *